Рокенрол-кралицата Тина Тарнер, чии поп-хитови и соул-класици како „The Best“ и „What’s Love Got to Do With It“ ја направија светска музичка икона, почина вчера на 83-годишна возраст, во Цирих, Швајцарија.
Пејачката последниве години страдала од голем број здравствени проблеми – рак, мозочен удар и откажување на бубрезите.
Има освоено осум „Греми“ награди и беше примена во Рокенрол-куќата на славните во 2021. како солоуметник. Но, првпат беше претставена со поранешниот сопруг Ајк, во 1991 година.
