Oбидете се да помислите на најуспешните луѓе за кои сте слушале. Додека го правите тоа, размислете колку пати тие требало да одат нагоре-надолу за да стигнат до својот успех. Сега помножете го тоа со 10, и можеби ќе ја погодите приближно вистинската бројка.
Пред некое време, прочитав статија за познатиот англиски готвач Џејми Оливер. Можеби знаете за него, првенствено од неговите книги за готвење, емисии или популарноста на социјалните мрежи. Но, можеби не знаете дека тој поседува и прилично голема ресторанска империја, која е во голема неволја.
Според „Телеграф“, минатиот септември, неговите претходно успешни италијански ресторани се на работ на банкротот, при што готвачот бил принуден да внесе 13 милиони фунти од сопствените заштеди во бизнисот за да го спречи od пропаѓање.
За жал, тоа не било доволно и откако додал уште 4 милиони фунти од неговите сопствени пари, ресторанската група банкротирала во 2019 година, притоа затворајќи 22 од 25 ресторани и отпуштајќи околу 1.000 вработени.
Секој што го следи Џејми Оливер однадвор, би се зачудил додека го слуша ова. Според сечие мислење тој е многу успешен претприемач и славна личност. Дека би имал деловни проблеми на повеќето луѓе им изгледа дури и лудо, но мене не ми е.
Разбирање на претприемачкиот начин на размислување
Првото нешто што треба да се разбере е дека Оливер има многу бизниси, а не само еден. Така, за него, неговиот фокус бил на неговиот бизнис, поврзан со забавата. Тоа се неговите книги, емисии и јавни говори.
Но, неговиот основен бизнис се рестораните. Како и повеќето ресторани, претпоставувам дека работеле со висок ризик и ниска маржа. Но, тие му стекнаа и многу негативни критики, а беа основа за поддршка на која тој стоеше цврсто, или требаше да стои.
Затоа, не сум изненаден што тој престанал да се фокусира на тоа и ја насочил својата енергија кон други потфати кои носеле многу повеќе заработки и имале многу помалку ризик. Тоа е првата лекција што треба да ја научите за да расмислувате претприемачки: не се врзувајте за бизнисот, врзете се за најдобрата можност. Со многу повеќе предности во неговиот бизнис како инфлуенсер, тој имаше совршена деловна можност да се тргне и да го предаде секојдневното управување на некој друг. Меѓутоа, проблемот доаѓа доколку тој некој друг кој што ќе го изберете е погрешен партнер за водење на вашиот бизнис.
Со изборот на вашите партнери, изберете неуспех или успех
Џејми се повлече од секојдневното раководство на неговата ресторанска група во 2014 година и го назначи својот зет Пол Хант да раководи. Многу луѓе мислат дека ова е вистинската причина поради која групацијата западнала во неволја, бидејќи Хант не беше добар извршен директор.
Според „Машед“, „Како што го опишале другите Хант, тој не знаел ни што треба да прави“, а наводи од Тајмс го означиле како „силеџија кој ја уништува деловната империја и „едноставно“ е неспособен“. „Еден висок директор отиде дотаму што рече (The Telegraph) тој ќе го уништи бизнисот, а денот кога ќе си поднесе оставка, персоналот треба да организира голема журка“.
Ова е следната лекција што треба да ја научите за претприемачкиот неуспех или успех. Ако сакате да успеете, мора паметно да ги избирате партнерите. Во овој случај, Оливер направил лоша проценка при изборот на неговиот зет, но предизвик за секој претприемач е да ја најде вистинската личност што ќе ги преземе работите во свои раце.
Зошто? Бидејќи повеќето извршни директори се многу добро платени вработени.
Најлесен начин да се објасни ова е квадрантот CASH FLOW.
Квадрант на ПАРИЧЕН ТЕК
На левата страна од квадрантот CASH FLOW се Вработените (E) и Самовработените (S). Тие имаат многу различен начин на размислување од претприемачите. Тие се ризик за бизнисот и се фокусирани на одржување на статус кво за да ја задржат својата плата. Кога работите ќе тргнат наопаку, тие паничат бидејќи ризикот за нив е да бидат отпуштени. Тие размислуваат за релацијата нивното време и вашите пари. Дури и извршните директори се вработени, само се високоплатени. Во случајот на Оливер, тој веројатно одбрал извршен директор кој размислувал како вработен наместо како претприемач, а тоа скапо го чинело.
На десната страна од квадрантот се сопствениците на бизниси (Б) и инвеститорите (I). Овие луѓе ги покажуваат претприемачките особини на размислување надвор од рамката, прифаќање ризик и преземање шанси, и не се плашат да бидат отпуштени ако направат грешка … а кога ризикувате, можете и да пропаднете. Тоа е единствениот вистински начин да се оди напред. Наместо да се обидуваат повторно да ги измислуваат рестораните на Оливер, извршните директори на начинот на размислување на вработени, се обиделе да управуваат со статус квото, со што ги донеле на дното.
„Не го очекувавме тоа. Тоа едноставно не е нормално во бизнисот. Имате квартални состаноци. Правите состаноци на одборот. Луѓето [кои] треба да управуваат со тие работи треба навистина да управуваат со тие работи“, рече Оливер.
Ова се зборовите на еден човек кој го предал својот бизнис на друга група луѓе да трчаат за него и кој речиси предоцна дознал дека тие не си ја работат добро работата.
Поуката овде, повторно, е дека императив е секогаш мудро да ги избирате вашите партнери и да задржите одредена контрола врз вашите бизниси, дури и ако си работите и други работи. Како што вели старата поговорка, „Верувај, но проверувај“. Во овој случај, Оливер имал доверба, но се чини дека можеби не проверил, а тоа го чиниело 17 милиони фунти.
Разликата меѓу сиромашен и скршен
Добрата вест е што Оливер имал средства да се вклучи и да се обиде да го спаси својот бизнис, сето тоа поради неговиот втор успешен бизнис и приходот што му го донел.
На прашањето на „Мејл он сандеј“ дали би бил подготвен да го стори тоа повторно доколку неговите ресторани повторно пропаднат, тој изјави: „Немам повеќе пари. Се обидов да ја направам вистинската работа, никогаш не ги земав парите од рестораните, секогаш ги реинвестирав. Живеев од другите приходи“.
Ова нè доведува до важната точка. Има разлика помеѓу „да се биде сиромашен“ и „скршен“.
Во овој случај, Џејми Оливер можеби бил уништен кога е во прашање неговиот ресторански бизнис, но тој не е сиромашен. Всушност, поради неговите други деловни потфати, нето вредноста на Џејми се проценува на околу 300 милиони долари. Така, иако тој нема секогаш при рака милиони готовина (особено кога ги користи за да се обиде да го спаси бизнисот), тој има средства што брзо ќе му го надополнат богатството, диверзифицирано од повеќе деловни линии.
Пропустот е привремена состојба кога немате потребен капитал. Начинот на размислување е тој што ве кочи и ја ограничува вашата способност да растете од неуспех во успех. Оливер можеби инвестирал многу личен капитал за да го спаси својот ресторански бизнис, но тој не е сиромашен. Неговите други деловни потфати наскоро ќе му ја наполнат касата, а тој нема да се обиде третпат да спаси „болен бизнис“, откако веќе го направил тоа двапати.
Неуспехот е најдобриот учител
За „неуспесите на неговите ресторани“, Оливер рече дека „…научивме многу лекции“.
Тоа е сè на што можете да се надевате кога станува збор за пропаднат бизнис или неуспешен бизнис. Или учиш или заработуваш. Оливер очигледно е подготвен да научи сè што треба да научи за да стигне до врвот.
Ова е приказна на речиси секој претприемач со кого ќе разговарате. Многу пати не успеваат, а неуспехот е најдобриот учител што ги води напред.
Животот и бизнисот се тимски спорт
Конечно, лекцијата што Оливер ја научил и која би било добро сите да ја запомниме е дека за да го развиете вашиот бизнис од неуспех до успех, потребен ви е одличен тим.
Ако сте одбрале погрешен тим, нема да страдате само вие, туку и вашиот бизнис и сите луѓе кои се потпираат на него за егзистенција. Ако го пронајдете вистинскиот тим, вие, вашиот бизнис и неговите вработени ќе напредуваат.
На крајот на денот, сите ние имаме капацитет да поминеме низ подеми и падови и во животот и во бизнисот. Квалитетот на карактерот на сè што го внесуваме во тие моменти е она што нè определува дали сме во оние кои учат или оние кои напредуваат. Благодарен сум на луѓето како Џејми Оливер кои не само што се искрени за нивните борби, туку и кои даваат одличен пример за тоа како изгледа да се помине низ тешки времиња, го прават она што е потребно за да се поправат и градат одлични работи на другата страна.
–Роберт Киосаки, Американец со јапонско потекло, финансиски експерт и претприемач кој целиот живот го поминал во финансиско-едукативно творештво. Неговите книги постигнале неверојатен успех и се најпродавани на листите на „Волстрит журнал“, „Њујорк тајмс“ и „Ју-ес-еј тудеј“.
Статијата е објавена во ноември 2018 година.
