Десетици илјади луѓе на божиќното утро ги изненадил неочекуван добротвор – Сантандер банка.
Имено, како што објавија локалните медиуми, банката по грешка уплатила 155 милиони евра на дури 75.000 сметки.
Персоналот на „Сантандер“ сега брза начин како да си ги врати парите, а таа задача им е отежната бидејќи голем дел е уплатен на сметки во други банки, објави во четвртокот Би-Би-Си.
Грешката настанала на тој начин што двапати биле извршени плаќања од 2.000 деловни сметки.
Банката нагласи дека веќе почнала да разговара со другите банки – „Barclays“, „HSBC“, „NatWest“, „Co-operative Bank“ и „Virgin Money“ со барање да ги замолат нивните клиенти „да ги вратат парите“.
Сепак, не е јасно како ќе постапат банките во случај нивните клиенти веќе да ги потрошиле парите, бидејќи враќањето на средствата може да доведе до пречекорување.
„Сантандер“ навести дека можеби ќе треба директно да контактира со сите 75.0000 лица за да си ги врати парите, пишува Би-Би-Си.
