Сто и шестгодишната Французинка Колет Мазе докажа дека годините се само бројка.
„Музиката за мене, за мојот дух и моето срце е храна“, вели Мазе.
Таа е родена во семејство од средна класа, нејзината мајка била многу строга и ја учела дома, а нејзиниот татко имал фабрика за ѓубрива. Започнала да свири на пијано кога имала четири години и во музиката ја пронаоѓала целата топлина што ѝ недостасувала во строгото воспитување.
Денес, на свои 106 години, таа се уште ужива да свири на пијаното во нејзиниот стан во Париз и се подготвува да го објави својот шести албум.
Мазе вели дека јогата и секојдневното вежбање се одговорни за флексибилноста на нејзините раце и прсти, но и ако дојде време да престане да свири, таа ќе мора да најде нова храна за нејзината душа.
